Þau Alma Möller landlæknir og Þórólfur Guðnason sóttvarnalæknir fara ásamt Rögnvaldi Ólafssyni aðstoðaryfirlögregluþjóni yfir stöðu mála varðandi framgang COVID-19 faraldursins hér á landi á fundi almannavarna klukkan 11:00 í dag.
Núverandi reglugerð um sóttvarnaraðgerðir er í gildi til 2. desember. Þórólfur Guðnason sóttvarnalæknir sagði fyrr í vikunni að hann myndi skila inn tillögum til Svandísar Svavarsdóttur heilbrigðisráðherra um helgina. Ekki sé hægt að segja nákvæmlega til um hvenær það verður enda að mörgu að hyggja. Gerir hann ráð fyrir að þær aðgerðir sem gripið verði til eftir 2. desember muni gilda fram yfir jól og jafnvel áramót.
Hægt verður að fylgjast með fundinum hér að neðan.