Björgunarsveitir til taks á Reykjanesi

Björgunarsveitir að störfum. Mynd úr safni.
Björgunarsveitir að störfum. Mynd úr safni. Ljósmynd/Sigurður Ólafur Sigurðsson.

„Þetta hefur verið rólegt, en veðrið er aðeins farið að láta finna aftur fyrir sér núna. Við vonum auðvitað að þetta gangi þægilega yfir,“ segir Davíð Már Bjarnason, upplýsingafulltrúi Slysavarnarfélagsins Landsbjargar, þegar mbl.is sló á þráðinn til hans rétt fyrir klukkan 19 í kvöld. 

Segir hann að björgunarsveitir séu til taks á Reykjanesi. „Það er kannski helst að frétta að björgunarsveitir eru til taks í húsi á Reykjanesi. Sá hópur hefur keyrt um bæinn og fylgst með höfninni,“ segir Davíð Már og bætir við að aðstæður geti breyst snögglega. 

„Við verðum að sjá hvernig þetta þróast og hvernig veðrið fer yfir landi. Það eru viðvaranir í gangi og við hvetjum alla til að fylgjast vel með upplýsingum.“

mbl.is