Fjármagn til að sporna við kennitöluflakki

Lagt er til að fjárheimild stjórnsýslu dómsmálaráðuneytisins verði aukin um 29,8 milljónir króna, samkvæmt nýju fjáraukalagafrumvarpi.

Frétt af mbl.is

400 milljónir í kaup á bóluefni

Gert er ráð fyrir að flytja 35 milljóna króna framlag af málefnasviði 16 yfir á málefnasvið 10 vegna aðgerða til að sporna við kennitöluflakki. Fram kemur að atvinnu- og nýsköpunarráðuneytið hafi undanfarin misseri unnið að því, í samvinnu við fjármála- og efnahagsráðuneytið og dómsmálaráðuneytið, að bregðast við tillögum SA og ASÍ um leiðir til að sporna við kennitöluflakki í atvinnurekstri.

Frétt af mbl.is

Vinnumálastofnun heimilt að krefjast endurgreiðslu

„Framangreindar tillögur lúta bæði að lagabreytingum, breytingum á framkvæmd opinberra aðila og fræðslu en þyngst vegur tillaga um tímabundið bann við aðkomu einstaklings að rekstri félags með takmarkaða ábyrgð í tilteknum tilvikum. Nú hefur komið í ljós að útgjöldin vegna aðgerðanna munu falla til hjá dómsmálaráðuneytinu og er því framlagið flutt yfir frá atvinnu- og nýsköpunarráðuneytinu yfir til dómsmálaráðuneytisins,“ segir í frumvarpinu.

Aðrar breytingar á fjárheimild málaflokksins eru tilkomnar vegna endurútreiknings á launaforsendum fjárlaga 2019 og 2020 vegna kjarasamninga sem hafa verið gerðir á þessu ári.

Frétt af mbl.is

„Lítt úthugsaðar“ aðgerðir ríkisstjórnarinnar

• Blogga um frétt