Maður gengur á lyftara og rotast

Snjókoma í Reykjvík
Snjókoma í Reykjvík Kristinn Magnúsosn,Kristinn Magnússon

Veðurfarið getur valdið slysum á fólki, eins og maður í Reykjavík fékk að reyna síðdegis í dag. Hann var á göngu í hríð í Austurborginni og rak höfuðið í lyftara af öllu afli. Hann náði að komast inn í hús þar við, en þar kenndi hann svima og leið svo út af.

Hringt var á sjúkrabíl, en maðurinn var kominn aftur til meðvitundar þegar hann bar að garði. Var hann við svo búið fluttur á bráðadeild til frekari aðhlynningar en grunur lék á að hann hefði fengið heilahristing við höggið.

Veðrið hafði að öðru leyti ekki veruleg áhrif að sögn lögreglunnar, en þó var um hádegisbilið tilkynnt um það í Árbæ, að tjaldvagn þar væri við það að fjúka. Eiganda var gert viðvart og gerði hann viðeigandi ráðstafanir, svo ekki hlaust tjón af.

mbl.is