Lög sett á verkfall flugvirkja

Ákveðið hefur verið í ríkisstjórn að setja lög á verkfall flugvirkja Landhelgisgæslunnar. Málið var lagt fyrir og samþykkt á ríkisstjórnarfundi fyrir skömmu. Frumvarp um að stöðva verkfallið verður lagt fyrir á Alþingi. Áslaug Arna Sigurbjörnsdóttir, dómsmálaráðherra segir að ekki sé hægt að tefla öryggi almennings og sjófarenda í tvísýnu. 

„Ég hef fengið samþykkt frumvarp í ríkisstjórn til að stöðva verkfall flugvirkja Landhelgisgæslunnar. Við teflum ekki öryggi almennings og sjófarenda í tvísýnu. Starfsemin varðar almannaöryggi og verður að komast í eðlilegt horf án tafar,“ segir Áslaug Arna.

Eins og fram hefur komið hafa þyrlur Landhelgisgæslunnar ekki verið til taks síðan á miðvikudag þar sem viðhaldi á vélunum hefur ekki verið sinnt vegna verkfallsins.  

TF - GRO björgunarþyrla gæslunnar. mbl.is/Árni Sæberg

• 3 blogg um fréttina

Bloggað um fréttina

• Páll Vilhjálmsson: Verkó eyðileggur verkfallsréttinn
• Örn Gunnlaugsson: Alltaf vinnuveitandanum að kenna.
• Jóhannes Ragnarsson: Gríðarlegt afrek unnið - og vex nú frami unglingstelpunnar sem …