Tekin hefur verið ákvörðun um að aflýsa árlegu Jólakvöldi í Ólafsfirði. Kvöldið átti að fara fram 4. desember nk., en ljóst er að ekkert verður af því. Þetta kemur fram í fréttatilkynningu frá forsvarsmönnum Jólakvöldsins.
Í tilkynningunni segir að gera megi ráð fyrir áframhaldandi takmörkunum sökum kórónuveiru og því verði erfitt að halda kvöldið. Tveggja metra regla og tíu manna samkomubann geri hátíðina afar erfiða í framkvæmd.
Í tilkynningunni segir þó að Jólakvöldið verði haldið að ári liðnu. Þá verði kvöldið jafnvel enn glæsilegra en upphaflega hafði verið gert ráð fyrir í ár.