Bjartsýn að leyfi fáist fyrir áramót
Setja bókamerki
Forstjóri Lyfjastofnunar, Rúna Hauksdóttir Hvannberg, segir að stofnunin sé bjartsýn á að leyfi fyrir bóluefni lyfjarisans Pfizer gegn kórónuveirunni fáist fyrir áramót eða þann 29. desember.
Af hennar orðum að dæma eru ekki sambærilegar aðstæður á Íslandi og t.a.m. í Bretlandi, en þar í landi var bóluefni Pfizer veitt bráðaleyfi í gær.
„Bretar hafa bara veitt tímabundna heimild fyrir lyf sem ekki hefur enn fengið markaðsleyfi. Þetta er semsagt bara undanþága fyrir sölu og dreifingu lyfs sem ekki hefur fengið markaðsleyfi,“ segir Rúna í samtali við mbl.is
Hún segir að Bretlandsmarkaður sé stór að þar hafi hugsunin verið að gefa leyfi fyrir innanlandsmarkað.
„Við erum hluti af evrópsku lyfjastofnuninni- og eftirlitinu. Við fylgjum þeim þess vegna. Það er verið að horfa til þess að samþykkja bóluefni Pfizer þann 29. desember.“
Geymsla verður ekki vandamál
Fram hefur komið að bóluefni Pfizer verði að geyma við 80 gráðu frost svo gæði þeirra séu sem mest. Rúna segir þetta ekki vera hindrun.
„Það fylgja þessu góðar leiðbeiningar sem segja til um að bóluefnið megi geyma við minna frost í skemmri tíma. Þetta verður því ekki nein fyrirstaða.“
Hún segir þó að öll tæknileg atriði varðandi dreifingu bóluefnis liggi í höndum sóttvarnalæknis og annarra aðila innan heilbrigðiskerfisins og vísar til orða þeirra í fjölmiðlum þegar hún var spurð um undirbúning á dreifingu bóluefnis.
„Við erum bjartsýn á að leyfin fyrir Pfizer fáist fyrir lok árs. Nákvæmlega hvaða tímasetningar verða gefnar út í kjölfarið er á forræði annarra en okkar. Við beinum sjónum okkar aðallega að leyfisveitingu.“
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
„Það þarf að vinna mikinn fjölda upp“
Verðbólgan komin niður í 6%
Vélsleðaslys: Þyrlan kölluð út á mesta forgangi
„Á réttri leið en nokkuð í land ennþá“
Skar höfuðleðrið af íslenskri konu