Lögreglan á Suðurlandi stöðvaði gleðskap eftir „einhvers konar jólahlaðborð“ á hóteli á Suðurlandi um helgina. Að sögn lögreglu voru fjöldatakmarkanir ekki virtar og liggur ábyrgð brotsins á sóttvarnareglum hjá hóteleiganda.
Lögreglan á Suðurlandi hefur farið í nokkrar eftirlitsferðir á hótel og veitingastaði undanfarið og var eftirlistferð á umrætt hótel liður í því. Atvikið var kært.
Samkvæmt facebooksíðu lögreglunnar á Suðurlandi hefur lögreglan haft fregnir af því að mörg hótel bjóði upp á hlaðborð.
Lögreglan ítrekar við hótel- og veitingastaðaeigendur að virða leiðbeiningar Embættis landlæknis og Ferðamálastofu sem gefnar hafa verið út um hámarksfjölda og nálægðartakmarkanir.
Lögreglan á Suðurlandi hefur haft fregnir af því að mörg hótel í umdæminu séu að bjóða upp á jólahlaðborð eða...
Posted by Lögreglan á Suðurlandi on Friday, 4 December 2020