Verð á bílum hefur þegar lækkað

Verð nýrra bíla gætilækkað í byrjun næsta árs
Verð nýrra bíla gætilækkað í byrjun næsta árs mbl.is/Árni Sæberg

Gengisstyrking krónunnar gæti leitt til þess að verð nýrra bíla sem kosta nokkrar milljónir króna lækki um hundruð þúsunda. Þetta er mat Egils Jóhannssonar, forstjóra Brimborgar, sem telur það munu örva sölu. Gengið hafi haft meiri áhrif á söluna en nokkur annar þáttur síðustu áratugi.

Evran kostar nú um 153 krónur en kostaði 165 krónur í lok október, að því er fram kemur í Morguunblaðinu í dag.

Benedikt Eyjólfsson, forstjóri Bílabúðar Benna, segir umboðið þegar hafa lækkað verð á Porsche-bílum. Til dæmis kosti jeppinn Porsche Cayenne, sem er tengiltvinnbíll, nú frá 14,9 milljónum sem sé lækkun um rúmlega milljón.

Erna Gísladóttir, forstjóri BL, segir gengisstyrkinguna munu hafa áhrif á söluverð nýrra bíla. „Ég myndi halda að við færum að sjá lækkun í byrjun næsta árs. Það er alltaf mikil samkeppni á bílamarkaðnum. Ég held því að menn fari að lækka verð fyrr en seinna, ef krónan helst á þessu bili. Það er miklu betra að bjóða hagstæðara verð, enda eru menn þá líklegri til að finna fleiri kaupendur,“ segir Erna um áhrif verðlækkana.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »