Víðir kominn heim eftir rannsóknir á spítala

Víðir Reynisson yfirlögregluþjónn.
Víðir Reynisson yfirlögregluþjónn. mbl.is/Eggert Jóhannesson

Víðir Reynisson yfirlögregluþjónn var kallaður á göngudeild Landspítala með Covid-19 þar sem gerðar voru rannsóknir og ástand hans metið. Rannsóknum er nú lokið og Víðir snúinn aftur heim.

Þetta staðfestir Rögnvaldur Ólafsson, aðstoðaryfirlögregluþjónn almannavarnadeildar ríkislögreglustjóra, í samtali við mbl.is

„Hann er með íferð í lungunum, eins og það er kallað. Þetta er bara það sama og margir Covid-sjúklingar hafa glímt við,“ segir Rögnvaldur.

Veikindi Víðis eru ekki talin lífshættuleg.

mbl.is