Nokkrir starfsmenn Landspítalans hafa lýst yfir óánægju sinni með jólagjöf spítalans til starfsmanna sinna í ár. Starfsfólk spítalans fær 7.000 gjafabréf í skóbúðina Skechers og súkkulaði frá íslenska framleiðandanum Omnom.
gleðilegt ár hjúkrunar + covid 🥰 hérna er blaut tuska í andlitið, jólakveðja LSH 🎅🏻🎅🏻🎅🏻 pic.twitter.com/AB3W8wdPsz
— mjög mikilvæg áminning, drekka vatn (@herreguddm) December 11, 2020
Landspítalinn er stærsti vinnustaður landsins og því ljóst að jólagjafainnkaup geti verið ansi umfangsmikil. Hins vegar þykir mörgun þetta ansi ódýrt, sérstaklega í ljósi kórónuveirufaraldursins og þess virðingaverða og mikilvæga starfs sem starfsfólk Landspítalans hefur sinnt í allt ár.
Ódýrstu Skechers-skórnir í fullorðinsstærð á vefversluninni Skór.is kostuðu 6.995 kórnur íslenskar. Það er því ljóst að flestir skórnir eru of dýrir til þess að gjafabréfið dekki verð þeirra að fullu.