Vegna aurskriðanna á Seyðisfirði beinir aðgerðastjórn tilmælum til þeirra sem þurfa að fara þangað starfs sín vegna eða af öðrum nauðsynlegum ástæðum, um að gæta að sér í hvívetna, huga að grímunotkun, tveggja metra fjarlægð, handþvotti og sprittnotkun.
Þetta kemur fram í tilkynningu.
Hvatt er til þess að viðkomandi gefi sig fram við vettvangsstjórn í húsakynnum björgunarsveitarinnar Ísólfs að Hafnargötu 17 og fái leiðbeiningar og mögulega fylgd um svæðið ef koma þeirra og vera tengist aurskriðunum sem féllu á þriðjudag.