Innlent
| mbl
| 21.12.2020
| 13:44
Skjálfti upp á 3,9 við Bárðarbungu
Skjálftinn varð á tólfta tímanum í dag.
Kort/Veðurstofa Íslands
Skjálfti að stærð 3,9 reið yfir við Bárðarbungu á tólfta tímanum í dag.
Samkvæmt upplýsingum á vef Veðurstofunnar varð skjálftinn klukkan 11:37 á 1,7 km dýpi og var staðsetning hans 5 km suðsuðaustur af Bárðarbungu.
Tveir aðrir skjálftar urðu á svipuðum tíma. Tíu sekúndum áður varð skjálfti að stærð 2,8 og tveimur mínútum síðar lítill skjálfti að stærð 0,8.