Ísland fær 80 þúsund skammta til viðbótar
Setja bókamerki
Samningur Íslands um kaup á 80.000 skömmtum til viðbótar frá Pfizer verður undirritaður á morgun. Viðræður framkvæmdastjórnarinnar og Pfizer um afhendingaráætlun standa yfir og verða þær niðurstöður kynntar um leið og þær eru ljósar. Þetta kemur fram í tilkynningu á vef Stjórnarráðsins.
Fyrri samningur Íslands um bóluefni Pfizer kveða á um 170.000 skammta bóluefnis. Með viðbótarsamningnum bætast við 80.000 skammtar og hefur Ísland þá tryggt sér 250.000 skammta sem dugir fyrir 125.000 manns frá þessu fyrirtæki.
Öll aðildarríki fá viðbótarskammta
Framkvæmdastjórn Evrópusambandsins hefur ákveðið að gera viðbótarsamning um kaup á 100 milljónum skammta bóluefnis frá Pfizer til viðbótar þeim 200 milljónum sem framkvæmdastjórnin hafði áður samið um. Þetta gefur öllum ríkjum sem aðild eiga að Evrópusamstarfinu, Ísland þar með talið, kost á að kaupa meira bóluefni frá framleiðandanum.
Pfizer er fyrsta bóluefnið sem fengið hefur markaðsleyfi í Evrópu. Fyrstu 10.000 skammtar efnisins komu til landsins í dag og bólusetning hefst á morgun.
Sárt að horfa upp á illa meðferð fjármuna
Færa slökkviliðið til nútímans
Ekki byggt í takt við áform sveitarfélaga
Ísraelar hefna árásarinnar
Innviðir þandir og álagið „gríðarlegt“
Hægagangur og vaxandi ókyrrð
Aðkoman í gripahúsið mjög slæm