Ólafur afturkallar kæru til MDE
Setja bókamerki
Ólafur Ólafsson, oft kenndur við Samskip og fyrrum hluthafi í Kaupþingi, hefur dregið kæru sína til Mannréttindadómstóls Evrópu vegna fjárfestinga hæstaréttardómaranna Markúsar Sigurbjörnssonar og Árna Kolbeinssonar í aðdraganda bankahruns til baka.
Greint er frá þessu í Fréttablaðinu í dag.
Tilefni kæru Ólafs var hlutabréfaeign tveggja dómara sem dæmdu í Al-Thani málinu en í því var Ólafur dæmdur í fjögurra og hálfs árs fangelsi fyrir markaðsmisnotkun.
Í umfjöllun Fréttablaðsins kemur fram að hvorugur dómaranna hafi átt hlut í Kaupþingi. Vísað er í dóm MDE gegn Sigríði Elínu Sigfúsdóttur, fyrrverandi forsvarsmanns fyrirtækjasviðs Landsbankans.
Þar kom meðal annars fram að dómarar yrðu ekki vanhæfir í málum varðandi aðra banka en þá sem þeir ættu sjálfur fjárhagslega hagsmuni í.
Beint frá Kína
Myndir: Reynir við heimsmet í Hlíðarfjalli í dag
Tóku upp hanskann fyrir leikskólabörn
Mest spennandi kosningar í áratugi
Búið að bólusetja börn alla helgina
Verðbólgan komin niður í 6%
Tapa fimm milljónum á dag
Katrín: Jóhönnustjórnin talaði máli Íslands