Við hátíðlega athöfn á Bessastöðum í dag, 1. janúar, sæmdi forseti Íslands 14 Íslendinga heiðursmerki hinnar íslensku fálkaorðu.
Þetta kemur fram í tilkynningu en athöfnin var öðruvísi en venjan er vegna sóttvarnareglna.
Þeir sem hlutu fálkaorðuna voru eftirtaldir:
- Bernd Ogrodnik brúðumeistari, Reykjavík, riddarakross fyrir framlag til brúðuleikhúss og íslenskrar menningar
- Björn Þór Ólafsson fyrrverandi íþróttakennari, Ólafsfirði, riddarakross fyrir framlag til skíðaíþrótta, félagsmála og menningarlífs í heimabyggð
- Bryndís Guðmundsdóttir talmeinafræðingur, Reykjanesbæ, riddarakross fyrir störf og fræðslu á sviðum talmeinafræði og táknmáls
- Halldór Benóný Nellett skipherra, Seltjarnarnesi, riddarakross fyrir forystu á vettvangi landhelgisgæslu og björgunarstarfa
- Helga Sif Friðjónsdóttir geðhjúkrunarfræðingur, Kópavogi, riddarakross fyrir brautryðjandastörf á vettvangi skaðaminnkunar fyrir fíkniefnaneytendur og aðra jaðarsetta hópa
- Helgi Ólafsson rafvirkjameistari, Raufarhöfn, riddarakross fyrir framlag til atvinnulífs, lista og menningar í heimabyggð
- Hrafnhildur Ragnarsdóttir fyrrverandi prófessor, Reykjavík, riddarakross fyrir rannsóknir og miðlun þekkingar um mál og málnotkun, málþroska barna og þróun læsis
- Jón Atli Benediktsson rektor, Reykjavík, riddarakross fyrir framlag til alþjóðlegra vísinda og nýsköpunar á sviði fjarkönnunar og stafrænnar myndgreiningar og störf í þágu háskólamenntunar
- Pétur H. Ármannsson arkitekt, Reykjavík, riddarakross fyrir rannsóknir á sögu byggingarlistar á Íslandi og miðlun þekkingar á því sviði
- Pétur Guðfinnsson fyrrverandi útvarpsstjóri, Reykjavík, riddarakross fyrir forystustörf á vettvangi íslenskra fjölmiðla
- Sigrún Árnadóttir þýðandi, Reykjavík, riddarakross fyrir þýðingarstörf og framlag til íslenskrar barnamenningar
- Sigrún Edda Björnsdóttir leikkona, Reykjavík, riddarakross fyrir framlag til íslenskrar leiklistar
- Vanda Sigurgeirsdóttir lektor og fyrrverandi knattspyrnumaður, Reykjavík, riddarakross fyrir framlag til knattspyrnu kvenna og baráttu gegn einelti
- Vilborg Ingólfsdóttir hjúkrunar- og lýðheilsufræðingur, Reykjavík, riddarakross fyrir framlag til hjúkrunar og heilbrigðisþjónustu á Íslandi og á alþjóðavettvangi
Sigrún Edda Björnsdóttir á Bessastöðum.
Ljósmynd/Gunnar G. Vigfússon
Sigrún Árnadóttir.
Ljósmynd/Gunnar G. Vigfússon
Pétur Guðfinnsson var á meðal þeirra sem hlutu orðu, og hér ásamt Stellu Soffíu Jóhannesdóttur og forsetahjónunum.
Ljósmynd/Gunnar G. Vigfússon
Pétur Ármannsson á Bessastöðum.
Ljósmynd/Gunnar G. Vigfússon
Bernd Ogrodnik á Bessastöðum.
Ljósmynd/Gunnar G. Vigfússon
Helga Sif Friðjónsdóttir ásamt forsetahjónunum.
Ljósmynd/Gunnar G. Vigfússon
Halldór B Nellett.
Ljósmynd/Gunnar G. Vigfússon
Vanda Sigurgeirsdóttir ásamt forsetahjónunum.
Ljósmynd/Gunnar G. Vigfússon
Vilborg Ingólfsdóttir.
Ljósmynd/Gunnar G. Vigfússon
Bryndís Guðmundsdóttir.
Ljósmynd/Aðsend
Helgi Ólafsson.
Ljósmynd/Aðsend
Hrafnhildur Ragnarsdóttir.
Ljósmynd/Aðsend
Björn Þór Ólafsson hlaut fálkaorðuna. Hann átti ekki heimangengt og gat því ekki verið viðstaddur afhendinguna á Bessastöðum.
Ljósmynd/Einar Þór Bjarnason