„Leiðinlegt þegar fólk spilar ekki með“
Setja bókamerki
„Málið er til rannsóknar hjá lögreglunni á höfuðborgarsvæðinu. Þetta er ekki í fyrsta skipti sem einhver er ósáttur við reglunar. En þegar svoleiðis kemur upp þá á fólk að sækja um undanþágu hjá heilbrigðisráðuneytinu, sem síðan tekur afstöðu,“ segir Rögnvaldur Ólafsson, aðstoðaryfirlögregluþjónn almannavarnadeildar.
Fyrr í dag var greint frá því að of margir hefðu verið saman komnir við messuhöld í Landakotskirkju á öðrum tímanum í dag, langt yfir samkomutakmörkunum. Þetta er í annað skiptið á stuttum tíma sem lögregla hefur afskipti af messuhaldi í Landakotskirkju. Á jóladag var greint frá því að hátt í 130 manns hafi verið við messu á aðfangadagskvöld í Landakotskirkju.
Leiður yfir atvikum sem þessum
Aðspurður segist Rögnvaldur ekki vilja tjá sig sérstaklega um umrætt atvik. Það sé þó alltaf leiðinlegt þegar fólk reynir að komast hjá þeim takmörkunum sem nú eru í gildi. „Maður er bara leiður þegar það gerist að fólk fer fram hjá reglunum,“ segir Rögnvaldur og bætir við að allir verði að standa saman.
„Það er heimsfaraldur í gangi og það er alveg vitað af hverju við erum að gera þetta. Ég ætla samt ekki að skammast út í þennan einstaka hóp. Það er bara alltaf leiðinlegt þegar fólk spilar ekki með.“
Kveðst tala af virðingu: „Ég er enginn dóni“
Mikil skjálftavirkni á landinu áhyggjuefni
Fjárfestingin 115 milljarðar króna
Kvikan virðist nú skiptast til helminga
Hafa samþykkt kaup fyrir um 9,2 milljarða
Ísraelar hefna árásarinnar
Markaðurinn hitnar og leiguverð hækkar hratt