Þórólfur Guðnason sóttvarnalæknir leggur til að fólk verði skyldað til að fara í sýnatöku gegn Covid-19 við komuna til landsins og að öðrum kosti verði þeir sem ekki fara í skimun sendir í farsóttarhús í 14 daga.

Breytingar á samkomutakmörkunum taka gildi 13. janúar og gilda í fimm vikur og segir Svandís Svavarsdóttir heilbrigðisráðherra við mbl.is að líklega muni komufarþegar, sem kjósa ekki sýnatöku á landamærum, verða skyldaðir í 14 daga dvöl í farsóttarhúsi.

Frétt af mbl.is

„Við verðum að fara mjög varlega“

„Þetta snýst um að treysta kerfið enn betur þannig að það sleppi ekki veira inn um landamærin. Við sjáum aukinn þrýsting þar í samræmi við aukningu í nánast öllum löndum í kringum okkur,“ segir Svandís.

Þórólfur leggur einnig til að aukið eftirlit verði með fólki í fimm daga á milli sýnatöku eitt og tvö við komuna til landsins og börn þeirra sem eru í sóttkví dvelji með forráðamönnum í sóttkví.

Svandís gerði grein fyrir málinu á ríkisstjórnarfundi í morgun og segir reglugerðabreytingu í smíðum. Hún segir líklegt að af því verði að þeir fáu sem kjósi ekki skimun verði skikkaðir í farsóttarhúsið frá og með næstu viku.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Brot á stjórnarskrá!