Sóttvarnalæknir mælist til þess að Íslendingar fari ekki í ferðalög erlendis að nauðsynjalausu. Þórólfur Guðnason segir faraldurinn í miklum uppgangi í löndunum í kring um okkur og að hætta sé á að Íslendingar smitist og/eða beri smit heim.
Þetta kom fram í máli Þórólfs á upplýsingafundi almannavarna.
Þá sagði Þórólfur að von væri á 1.200 bóluefnisskömmtum frá Moderna á morgun, sem færu í að klára að bólusetja framlínufólk, sérstaklega á höfuðborgarsvæðinu, sem færi síðan í seinni bólusetningu að fjórum vikum liðnum.