Hátíðarnar komnar á haugana

Starfsmenn Kópavogsbæjar hirtu síðustu jólatrén af götum bæjarins í gær og má þá segja að ummerki hátíðanna, utan nokkurra jólaljósa til að lýsa upp skammdegið, séu horfin.

Auk þess að koma á haugana jólatrjám, sem staðið höfðu á heimilum bæjarbúa í nokkrar vikur, hirtu bæjarstarfsmenn flugeldaleifar og komu þeim á Sorpu.

Tæpt ár er nú þar til næsti árgangur jólatrjáa verður höggvinn niður.