Líkamsræktarstöðvar fá engan sérstakan sess
Ragnhildur Þrastardóttir
Setja bókamerki
Eftirlit lögreglunnar á höfuðborgarsvæðinu með líkamsræktarstöðvum verður með sama sniði og eftirlit með veitingastöðum, verslunum og öðrum stöðum þar sem fjöldatakmarkanir eru í gildi. Þetta segir Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu.
Líkamsræktarstöðvar fengu að opna dyr sínar fyrir viðskiptavinum hvað varðar hóptíma í dag. Þær eru bundnar fjöldatakmörkunum og öðrum sóttvarnareglum.
„Líkamsræktarstöðvar fá engan sérstakan sess. Þær fara inn í þetta eftirlitskerfi sem við erum með. Auðvitað bregst lögreglan við því ef tilkynnt er um sóttvarnabrot, þá fer hún og kannar það. Svo skoðum við þetta í samræmi við þann tíma sem við höfum aflögu til þess að sinna þessu eftirliti. Við munum örugglega skoða líkamsræktarstöðvar alveg eins og við skoðum veitingastaði og aðra staði sem eru bundnir takmörkunum,“ segir Ásgeir.
Sama módelið fyrir alla
Eins og fram hefur komið í fréttum hefur lögreglan á höfuðborgarsvæðinu gengið á milli veitingastaða og kannað hvort þar sé öllum sóttvarnareglum framfylgt.
„Þetta fer bara inn í sama módel og er í öllu öðru sem við erum að gera. Það eru ekki bara veitingastaðir sem við höfum leiðbeint, það hafa líka verið verslanir, alls konar staðir sem hafa sætt takmörkunum,“ segir Ásgeir.
Krefjast stöðvunar framkvæmda
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
Sex hafa greinst með listeríu
Shakespeare fannst í skókassa
Væri að ljúga ef ég segðist ekki stressaður
„Það þarf að vinna mikinn fjölda upp“