15 umsóknir um starf orkumálastjóra

15 sóttu um starf forstjóra Orkustofnunar.
15 sóttu um starf forstjóra Orkustofnunar.

Alls bárust 15 umsóknir um starf orkumálastjóra, en umsóknarfrestur rann út þann 12. janúar 2021. Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, skipar í stöðuna frá og með 1. maí 2021.

Meðal umsækjenda eru Björn Óli Hauksson, fyrrverandi forstjóri Isavia, Guðmundur Þóroddsson, fyrrverandi forstjóri Orkuveitu Reykjavíkur, og Óli Grétar Blöndal Sveinsson, framkvæmdastjóri hjá Landsvirkjun.

Ráðherra hefur skipað nefnd til að meta hæfni umsækjenda og skila greinargerð um þá. Nefndina skipa: Kristín Haraldsdóttir, lektor og formaður nefndar, Birgir Jónsson rekstrarhagfræðingur og Ingvi Már Pálsson skrifstofustjóri. 

Umsækjendur eru:

  • Auður Sigurbjörg Hólmarsdóttir hönnuður
  • Baldur Pétursson verkefnastjóri
  • Benedikt Stefánsson framkvæmdastjóri
  • Björn Óli Hauksson ráðgjafi
  • Fjóla Guðrún Sigtryggsdóttir verkfræðingur
  • Guðmundur Bergþórsson verkefnastjóri
  • Guðmundur Þóroddsson stjórnarformaður
  • Halla Hrund Logadóttir meðstofnandi og framkvæmdastjóri
  • Heiðrún Erika Guðmundsdóttir deildarstjóri
  • Jónas Ketilsson yfirverkefnisstjóri
  • Jón Þór Sturluson dósent
  • Lárus M. K. Ólafsson sérfræðingur og viðskiptastjóri
  • Óli Grétar Blöndal Sveinsson framkvæmdastjóri
  • Silja Rán Steinberg Sigurðardóttir verkefnastjóri
  • Sigurjón Norberg Kjærnested forstöðumaður
mbl.is