Svavars minnst á Alþingi
Setja bókamerki
Svavars Gestssonar var minnst við upphaf þingfundar í dag. Svavar, sem var fyrrverandi þingmaður, ráðherra og sendiherra, lést í gær.
Steingrímur J. Sigfússon forseti Alþingis las upp minningarorð um Svavar en þeir störfuðu saman um árabil. Um félaga sinn sagði hann meðal annars:
„Þótt tveir áratugir séu liðnir frá því að Svavar Gestsson lauk þingmennsku erum við enn nokkur hér sem höfðum kynni af honum sem stjórnmálamanni og síðar embættismanni, sennilega þó fáir meiri en sá sem hér stendur og mælir þessi minningarorð um einn nánasta samferðamann sinn og vin á löngum stjórnmálaferli.
Við alþingismenn vottum dóttur hans, Svandísi, sem á sæti í þessum sal með okkur, samúð okkar óskipta, nú þegar hún sér á bak föður, vini og einlægum stuðningsmanni.“
Venju samkvæmt reis þingheimur úr sætum sínum til að minnast fyrrverandi alþingismanns.
„Umsátursástand“
Handteknir eftir myndatöku í Vesturbæjarlaug
„Það þarf að vinna mikinn fjölda upp“
Shakespeare fannst í skókassa
„Okkur miðar í rétta átt“
Tveir í bílnum sem lenti utan vegar
Veiting hvalveiðileyfis ekki brot á EES-samningi