Tölur um bólusetningar við Covid-19 hér á landi eru nú birtar á vefnum covid.is, en þar má meðal annars sjá fjölda bólusettra eftir aldri, landshluta og hvernig bólusetning skiptist á milli mismunandi tegunda bóluefnis.Þá er jafnframt að finna á síðunni yfirlit yfir það hvenær bóluefni var gefið.

Samkvæmt tölum á síðunni er bólusetning hafin hjá 5.725 einstaklingum og 480 til viðbótar hafa lokið við bólusetningu, það er þeir hafa fengið báða skammta bóluefnisins. Þess ber að geta að tölurnar ná aðeins fram til gærdagsins og því eru bólusetningar í dag ekki taldar þar með.

Lang hæsta hlutfall þeirra sem hafa verið bólusettir hingað til tilheyra elstu aldurhópunum, en einnig hafa starfsmenn í heilbrigðisþjónustu í yngri aldursflokkum fengið bólusetningu.

Lang flestir sem hafa fengið bóluefni hafa fengið bóluefni frá Pfizer-BioNTech, eða 4.946 einstaklingar. 1259 hafa fengið bóluefni frá Moderna.

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt