Rannsókn á Ásmundarsalsmáli lokið

Ásmundarsalur.
Ásmundarsalur. Morgunblaðið/Sigurður Bogi

Rannsókn á Ásmundarsalsmálinu þar sem Bjarni Benediktsson fjármálaráðherra var viðstaddur er lokið og hefur málið verið sent ákærusviði. Þar verður tekin ákvörðun um það hvort sektarboðum verði beitt eða hvort ekki þyki ástæða til þess. 

Þetta staðfestið lögreglan á höfuðborgarsvæðinu. 

Eins og fram hefur komið hafði lögregla afskipti af samkomu í Ásmundarsal þann 23 desember sl. vegna gruns um sóttvarnarbrot. Í tilkynningu frá lögreglu á aðfangadag kom fram að ráðherra hefði verið á meðal gesta. 

Starfsemi Ásmundarsals fellur undir safnastarfsemi og hafa eigendur sagt að þeir telji sig ekki hafa brotið fjöldatakmörk í ljósi þess að um sölusýningu hafi verið að ræða. Hins vegar hafi grímuskyldu og fjarlægðarmörkumekki verið sinnt. 

Bjarni Benediktsson fjármálaráðherra var meðal gesta.
Bjarni Benediktsson fjármálaráðherra var meðal gesta. Kristinn Magnúsosn,Kristinn Magnússon
mbl.is