Annað og stærra flóð í nágrenni Eskifjarðar

Annað stórt flóð féll í nágrenni Eskifjarðar síðdegis í dag. Samkvæmt upplýsingum frá Veðurstofu Íslands er líklegast um stærra flóð að ræða en það sem féll úr Harðskafa fyrr í morgun.

Flóðið, sem féll um klukkan hálfþrjú í dag, féll úr Hólmgerðarfjalli, en það er austan megin við bæinn.

Frétt af mbl.is

Stórt flóð fyrir ofan Eskifjörð

Eins og myndin sem fylgir fréttinni sýnir er brotstálið bæði greinilegt og umtalsvert langt. Var flóðið í hlíðunum fyrir ofan veginn upp í Oddskarð. Óli­ver Hilm­ars­son, snjóflóðasér­fræðing­ur á Veður­stof­unni, segir að flóðið hafi fallið fljótlega eftir að sólin fór að skína á fjallið sem sýni hversu veikt lagið er undir. Ítrekar hann að mjög varasamt er að vera á ferðalagi til fjalla við þessar aðstæður.

Áður hafði verið greint frá að fyrra flóðið teldist 4,5 að stærð, en nánari athugun hefur leitt í ljós að það flokkast sem 3,5 að stærð.

• Blogga um frétt