Berjast enn við eld í þaki

Slökkvilið höfuðborgarsvæðisins sinnir enn útkalli í Seljahverfi í Breiðholti þar sem einbýlishús í Kaldaseli stóð í ljósum logum á sjöunda tímanum í morgun.

Samkvæmt upplýsingum frá slökkviliðinu er enn unnið að því að slökkva eld í þakinu og gert er ráð fyrir því að unnið verði á vettvangi eitthvað fram eftir morgni. 

Einn var í húsinu og tókst honum að komast út úr því.

Eldsupptök eru óljós en lögregla beinir því til íbúa í nágrenni Kaldasels að loka gluggum og hækka á ofnum vegna reyks sem leggur frá húsinu. 

Allt tiltækt lið slökkviliðs höfuðborgarsvæðisins var kallað út á sjöunda …
Allt tiltækt lið slökkviliðs höfuðborgarsvæðisins var kallað út á sjöunda tímanum vegna elds í einbýlishúsi við Kaldasel. mbl.is/Árni Sæberg
mbl.is