Hluti landsins útilokaður

Bannað verður að nýta vindorku á nokkuð stórum hluta landsins, ef drög umhverfisráðherra að frumvarpi að breytingum á lögum um rammaáætlun og samhliða þingsályktunartillagu um stefnumörkun um flokkun landsvæða ná fram að ganga. Nær fyrirhugað bannsvæði yfir nokkuð á annað hundrað friðlýst svæði og svæði sem á að friðlýsa á næstunni, auk Vatnajökulsþjóðgarðs og óbyggðra víðerna á miðhálendinu.

Á öðrum viðkvæmum svæðum, til dæmis svæði innan 10 kílómetra frá friðlýstum svæðum og yfir 120 mikilvægum fuglasvæðum, er mögulegt að virkja vindorku að ákveðnum skilyrðum uppfylltum. Koma þau mál til kasta verkefnisstjórnar um rammaáætlun og umhverfisráðherra.

Mikil áform

Mikill áhugi er á nýtingu vindorkunnar. Þannig var tilkynnt um 34 vindorkuver til núverandi verkefnisstjórnar rammaáætlunar. Samanlagt afl þessara virkjana er 3.200 megavött. Þar fyrir utan eru Blöndulundur Landsvirkjunar sem er í nýtingarflokki frá fyrri verkefnisstjórn og Búrfellslundur sama fyrirtækis sem settur var í biðflokk en Landsvirkjun hefur nú endurhannað. Þar fyrir utan er vitað um eitt vindorkuver sem komið er í umhverfismatsferli en var ekki tilkynnt til rammaáætlunar.

Ítarlega er fjallað um málið í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »