Gera sig gildandi fyrir kosningar

Ragnar Þór Ingólfsson.
Ragnar Þór Ingólfsson. mbl.is/Kristinn Magnússon

Verkalýðshreyfingin ætlar ekki að sitja þegjandi hjá í aðdraganda þingkosninganna í haust heldur berjast fyrir áherslumálum sínum og gera sig gildandi í kosningaumræðunni.

„Við erum að undirbúa okkur undir kosningarnar og hvaða áherslur verkalýðshreyfingin mun vera með í aðdraganda þeirra,“ segir Ragnar Þór Ingólfsson, formaður VR, í Morgunblaðinu í dag.

„Við þurfum að bregðast við í aðdraganda kosninganna og verkalýðshreyfingin þarf að leggja áherslu á sín baráttumál sem hún vill að næsta ríkisstjórn setji á oddinn. Við vonumst til þess að flokkarnir muni taka þau mál á sína stefnuskrá. Þetta er eins og alltaf hefur verið gert að verkalýðshreyfingin reynir að gera sig gildandi með sín áherslumál í aðdraganda kosninga,“ segir hann.

Kosningarnar fara fram 25. september. Endurskoðun kjarasamninga ber upp á sama tíma og á að vera lokið fyrir septemberlok. Vinnur verkalýðshreyfingin að því að ná í gegn málum gagnvart stjórnvöldum. omfr@mbl.is

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »