Stjórn Framsóknar sendi í dag frá sér yfirlýsingu þar sem skotárás á bíl borgarstjóra er fordæmd. Þar segir að allt ofbeldi gegn samborgurum okkar sé ofbeldi gagnvart frjálsu samfélagi. 

Lesa má yfirlýsingu stjónar flokkins hér: 

„Það setur að manni óhug við þau tíðindi að skotið hafi verið á fjölskyldubíl borgarstjóra. Komu þessar fréttir í kjölfar tíðinda af því að skotið hafi verið á skrifstofur stjórnmálaflokka. Á Íslandi njótum við þess að búa í öruggu samfélagi þar sem umburðarlyndi er ríkjandi. Það hefur einnig átt við í stjórnmálunum þótt merkja hafi mátt aukna heift í umræðum á þeim vettvangi á síðustu misserum. Það er ljóst að öfgafullur málflutningur getur ýtt undir ofstæki sem er eitur í samfélögum.

Það geta allir ímyndað sér þann óhugnað að óttast um öryggi sitt og líf, öryggi barna sinna og sinna nánustu. Allt ofbeldi gegn samborgurum okkar er ofbeldi gagnvart frjálsu samfélagi, allt ofbeldi gegn kjörnum fulltrúum og stjórnmálaflokkum er ofbeldi gagnvart lýðræðinu. Það fordæmum við í Framsókn.

Stöndum saman vörð um okkar góða, opna og lýðræðislega samfélag.“

Tengdar fréttir

Skotið á bíl borgarstjóra og húsnæði stjórnmálaflokka

„Óhugnanlegt“ að heyra af skemmdarverkunum

• Skotmálið fellt niður
• Varaborgarfulltrúa hótað
• Skotmálið á borði ákærusviðs
• Neitar sök í skotmáli á bíl borgarstjóra

» Fleiri tengdar fréttir

• Blogga um frétt