Vatnshæðin virðist hafa náð hámarki

Svo virðist sem vatnshæðin í Jökulsá á Fjöllum hafi náð hámarki í gær. Þá var hún 530 sentímetrar. Síðan þá hefur hún mælst heldur stöðug en minnkað lítillega. Núna mælist hún 526 sentímetrar.

Frétt af mbl.is

Vatnshæðin í Jökulsá heldur áfram að aukast

Að sögn Einars Hjörleifssonar, náttúruvársérfræðings hjá Veðurstofu Íslands, keyra tveir sérfræðingar frá Veðurstofunni norður í dag.

Líklega geta þeir ekki kannað aðstæður fyrr en í birtingu í fyrramálið. Þá munu þeir kíkja á mæli Veðurstofunnar sem þar er og setja upp vefmyndavél á brúna.

Að sögn Einars vaktar lögreglan brúna með eigin vefmyndavél á meðan Veðurstofan fylgist með vatnshæðinni og jarðskjálftaóróa við brúna. Hann hefur ekki verið neinn núna en þegar stóra krapaflóðið fór yfir veginn síðast mátti greina merki um óróa.

Ljósmynd/Lögreglan

Óvissustig almannavarna er á svæðinu. Vegna hættu á krapaflóði á veginum við Jökulsá á Fjöllum verður vegurinn aðeins opinn í björtu, eða á milli 9 og 18. Umferðarstýring er við brúna, segir á vef Vegagerðarinnar.

Einar segir Veðurstofuna vera í samskiptum við mann Vegagerðarinnar á vettvangi. Hún mun heyra strax í honum ef aðstæður breytast.

Líklegt er að ástandið sem er uppi núna haldi áfram næstu daga og vikur, bætir hann við.

• Blogga um frétt