Hringveginum hefur verið lokað við Jökulsá á Fjöllum vegna aukinnar óvissu og nýrra upplýsinga frá vísindamönnum um einhverjar breytingar á hegðun árinnar. Þetta kemur fram í tilkynningu frá lögreglunni á Norðurlandi eystra.
Lokunarpóstur hefur verið settur upp á hringveginum við Kröfluafleggjara að vestan og vestan við Vopnafjarðarafleggjara að austan.
Allri umferð um Mývatnsöræfi er því beint um norðausturströndina, Húsavík, Þórshöfn og Vopnafjörð. Ekkert verður ákveðið með opnun vegarins í bráð.