Lyfjastofnun Íslands hafa borist 219 tilkynningar vegna gruns um aukaverkanir í kjölfar bólusetningar gegn Covid-19. Áfram eru tólf tilkynninganna skilgreindar sem alvarlegar en hinar 207 eru ekki alvarlegar. 

Þetta kem­ur fram á vefsíðu Lyfja­stofn­un­ar.

Alls hafa 147 tilkynningar borist vegna bóluefnisins Comirnaty frá Pfizer/BioNTech, þar af ellefu alvarlegar, en 72 vegna bóluefnis Moderna, þar af ein alvarleg.

Frétt af mbl.is

Tilkynningum um aukaverkanir fjölgar

Tilkynningar um grun um aukaverkanir voru 210 á föstudag og hefur þeim því fjölgað um níu síðan þá. Alvarlegum tilkynningum hefur ekki fjölgað síðan á föstudag.

Graf/Lyfjastofnun

Beinn sam­an­b­urður ómögu­leg­ur

Hafa ber í huga að mun fleiri hafa verið bólu­sett­ir með bólu­efni Pfizer en bólu­efni Moderna. Þá voru einnig veik­ari og eldri ein­stak­ling­ar bólu­sett­ir með bólu­efni Pfizer en bólu­efni Moderna. 

„Þar sem bólu­efn­in ber­ast ekki á sama tíma er óhjá­kvæmi­legt að hóp­ar mis­mun­andi að sam­setn­ingu fái ólík bólu­efni. Það ger­ir bein­an sam­an­b­urð milli þeirra ómögu­leg­an. Í fyrstu for­gangs­hóp­um bólu­setn­ing­ar er meðal ann­ars heil­brigðis­starfs­fólk, en því ber skylda til að til­kynna um auka­verk­an­ir sam­kvæmt lyfja­lög­um og hef­ur þessi skylda áhrif á fjölda til­kynn­inga, og þá til fjölg­un­ar þeirra, að mati Lyfja­stofn­un­ar,“ seg­ir á vef Lyfja­stofn­un­ar og jafn­framt:

„Auk heil­brigðis­starfs­manna eru aldraðir ein­stak­ling­ar fremst­ir í for­gangi bólu­setn­ing­ar. Marg­ir þeirra hafa und­ir­liggj­andi sjúk­dóma. Því má bú­ast við fleiri til­kynn­ing­um vegna bólu­setn­ing­ar í þeim hópi, en hins veg­ar þarf ekki að vera um or­saka­sam­band að ræða milli bólu­setn­ing­ar og til­kynntra til­vika.  Slíkt er metið í hverju til­felli fyr­ir sig.“

Á vef Lyfja­stofn­un­ar kem­ur einnig fram að mik­il­vægt sé að hafa hug­fast að fjöldi til­kynn­inga vegna gruns um auka­verk­anir segi ekki til um tíðni raun­veru­legra auka­verk­ana eft­ir bólu­setn­ingu eða ör­yggi bólu­efna.

„Slík­ar til­kynn­ing­ar eru notaðar til að fylgj­ast með ör­yggi lyfja eft­ir að notk­un þeirra hefst og er það gert m.a. með því að meta hvort lík­ur séu á því að or­saka­sam­band sé milli lyfja­notk­un­ar og þess til­viks sem til­kynnt er. Þannig er ekki víst að til­kynn­ing­arn­ar end­ur­spegli raun­veru­leg­ar auka­verk­an­ir af bólu­efn­un­um en það er metið í hverju til­felli fyr­ir sig.“

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: EF ÞETTA VERÐUR RANSAKAÐ - VERÐUR ÞÁ EKKI NIÐRSTAÐAN SÚ …
• Þórdís Björk Sigurþórsdóttir: Dauðsföll á Englandi, Gíbraltar og víðar rjúka upp eftir bólusetningu