22.000 vilja að fórnarlamb mansals fái vernd
Setja bókamerki
Rúmlega 22.000 manns hafa skrifað undir áskorun á hendur íslenskum stjórnvöldum vegna hins nígeríska Uhunoma Osayomore. Fólkið skorar á íslensk stjórnvöld að veita Uhunoma alþjóðlega vernd eða dvalarleyfi hérlendis af mannúðarsjónarmiðum.
Uhunoma ræddi við mbl.is nýverið og má sjá viðtalið hér að ofan.
Í pistli með undirskriftasöfnuninni er stuttlega farið yfir sögu Uhunoma.
„Uhunoma er 21 árs og er frá Nígeríu. Árið 2016, þegar hann var aðeins 16 ára, flúði hann frá heimili sínu í Nígeríu eftir að faðir hans myrti móður hans og yngri systir lést af slysförum.
Hann fór til Lagos, höfuðborgar landsins, og lenti þar í höndum þrælasala sem seldu hann mansali og upphófst þar með hræðilegt ferðalag sem leiddi hann til Íslands í október 2019. Á leiðinni upplifði hann hryllilega hluti, varð vitni að morðum, var haldið föngnum í fjárhúsi og varð ítrekað fyrir kynferðislegu ofbeldi. Í þrjú ár bjó hann í flóttamannaíbúðum á Ítalíu.
Hann hóf ferðalagið sem barn en endaði á Íslandi sem einstæður fullorðinn maður.“
Segja aðstæðurnar lífshættulegar
Uhunoma býr hjá íslenskri fjögurra barna fjölskyldu og segir í fyrrnefndum pistli að fjölskyldan geti ekki hugsað sér að missa Uhunoma úr lífi sínu.
„Uhunoma þarfnast engrar aðstoðar íslenska ríkisins og á sér aðeins þá einu ósk að fá að lifa óttalausu lífi sem fullgildur borgari á Íslandi með fjölskyldu sinni og vinum,“ segir í pistlinum og jafnframt:
„Nú er komið að því að íslensk stjórnvöld ætla að vísa Uhunoma úr landi, jafnvel þótt hans málsmeðferð sé enn í gangi, og ætla stjórnvöld þannig, enn einu sinni, að vísa fórnarlambi mansals úr landi og til baka í aðstæður sem eru honum lífshættulegar.“
Kvikan virðist nú skiptast til helminga
Ísraelar hefna árásarinnar
Fjárfestingin 115 milljarðar króna
Aðeins ein leið fær í Grindavíkurmálum
29 nautgripir fundust dauðir
„Það er skiljanlegt að þolinmæði þeirra sé lítil“
Þrjú og hálft ár fyrir skotárás í Úlfarsárdal