Innlent
| mbl
| 13.2.2021
| 11:51
| Uppfært
12:11
Draga þurfti úr þjónustu eftir bólusetningu
Hjúkrunarheimilið Mörk.
mbl.is/Eggert Jóhannesson
Eitthvað var um að draga þyrfti úr þjónustu hjúkrunarheimila á höfuðborgarsvæðinu í gær. Orsökin er veikindi starfsfólks í kjölfar bólusetningar sem það fékk daginn áður.
Gísli Páll Pálsson, forstjóri Grundarheimilanna og formaður Samtaka fyrirtækja í velferðarþjónustu, segir að nokkuð hafi verið um veikindi hjá starfsfólkinu á Mörk, sem allt fékk bólusetningu á fimmtudag, en það hafi verið leyst með bros á vör.
Draga hafi þurft úr þjónustu þennan eina dag en engar kvartanir hefðu borist, enda væru allir svo ánægðir með að nú sæi fyrir endann á kórónuveirufaraldrinum.
