Hluti sýna sem tekin voru í Fossvogsskóla í lok síðasta árs sýndu óeðlilegan vöxt raka og myglu. Fulltrúi umhverfis- og skipulagssviðs borgarinnar fór yfir verkáætlun vegna þessa og liggur fyrir að aðgerðir hefjist á komandi dögum og eiga þær að taka stuttan tíma. 

Í framhaldi af framkvæmdum sumarið 2020 var farið í sýnatöku í kennsluhúsnæði skólans, í loftsíum og rýmum ofan millilofta í Vesturlandi í lok ársins. Sýnin voru send í ræktun og í tegundagreiningu hjá Náttúrufræðistofnun Íslands og hefur Verkís tekið saman greinargerð um niðurstöðurnar sem birt verður á næstu dögum. Niðurstöður voru kynntar og ræddar á fundi skólaráðs Fossvogsskóla síðdegis í gær. Á fundinum voru auk skólaráðsins, fulltrúar skóla- og frístundasviðs, umhverfis- og skipulagssviðs, fulltrúi Verkís, SAMFOK, félags grunnskólakennara og ráðgjafi foreldrafélagsins.

Fram kemur í yfirlýsingu frá Fossvogsskóla að farið verði í ítarlega hreingerningu þar sem þess er þörf í kjölfar þeirra framkvæmda sem eiga að hefjast nú. Þá verða tekin sýni í lok skólaárs til að ganga úr skugga um að framkvæmdir hafi skilað tilætluðum árangri. 

Frétt af mbl.is

Neyddust til að flytja barn úr skólanum

Tengdar fréttir

Mygla í húsnæði

Kostnaður meiri en milljón á fermetra

• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“
• Bærinn kaupir ekki bankann

» Fleiri tengdar fréttir

• Blogga um frétt