Vilhjálmur Árnason, þingmaður Sjálfstæðisflokksins, sækist eftir oddvitasæti flokksins í Suðurkjördæmi í prófkjöri sem fram fer í kjördæminu 29. maí. 

Vilhjálmur greinir frá þessu á facebooksíðu sinni. 

Ásmundur Friðriksson og Páll Magnússon eru auk Vilhjálms þingmenn kjördæmisins. Páll sækist eftir endurkjöri sem oddviti listans, en Vilhjálmur var í þriðja sæti listans fyrir síðustu alþingiskosningar og Ásmundur í öðru. 

Þá hefur Eva Björk Harðardóttir, oddviti Skaftárhrepps, tilkynnt að hún sækist eftir 2. til 3. sæti á listanum. Guðbergur Reynisson hefur sömuleiðis tilkynnt að hann sækist eftir 3. sæti og Björgvin Jóhannesson hefur gert slíkt hið sama.  

„Það er mikilvægt að ný kynslóð hasli sér völl og taki forystu í þeim verkefnum sem fram undan eru. Þess vegna vil ég leiða framboðslista Sjálfstæðisflokksins í Suðurkjördæmi og óska eftir fyrsta sætinu í prófkjörinu hinn 29. maí næstkomandi,“ segir Vilhjálmur í framboðstilkynningu sinni. 

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt