Í dag er spáð austan- og norðaustanátt, víða 8 til 15 metrum á sekúndu en sums staðar verður hvassara við fjöll.
Talsverð rigning verður suðaustanlands með morgninum, annars rigning eða slydda með köflum upp úr hádegi og snjókoma inn til landsins norðaustan til.
Hlýnandi, hiti á bilinu 1 til 8 stig síðdegis, mildast við suðurströndina. Dregur úr vindi og úrkomu í kvöld.
Á morgun verða norðaustan 5-13 m/s. Snjókoma eða rigning með köflum, en yfirleitt þurrt á Suðvestur- og Vesturlandi. Hiti verður á bilinu 0 til 6 stig, en í kringum frostmark norðan- og austanlands.