Framkvæmdaráð almannavarna höfuðborgarsvæðisins fundaði fyrir skömmu ásamt lögreglunni á höfuðborgarsvæðinu.
Frá þessu greinir Dagur B. Eggertsson borgarstjóri á Twitter. Búast megi við áframhaldandi skjálftum og mikilvægt sé að huga að forvörnum.
Horft er til þess að skjálftarnir geti færst nær höfuðborgarsvæðinu.
„Markmið dagsins: forvarnir,“ skrifar borgarstjórinn.
Upptök skjálftanna hafa verið á Reykjanesi en geta færst nær höfuðborgarsvæðinu, einsog fram hefur komið í fréttum. Stjórnstöð almannavarna er að meta stöðuna með sérfræðingum Veðurstofunnar og mun gefa út frekari leiðbeiningar áður en langt um líður. Markmið dagsins: forvarnir.
— dagur@reykjavik.is (@Dagurb) February 24, 2021