Tilslökunum fagnað í Háskóla Íslands
Setja bókamerki
„Við fórum yfir málin í kjölfar nýrrar reglugerðar og tökum mjög vel í þessar tilslakanir,“ segir Jón Atli Benediktsson, rektor Háskóla Íslands, við mbl.is. Í háskólum og menntaskólum má staðnám fara fram að öllu leyti, svo fremi sem ekki séu fleiri en 150 í sama rými samkvæmt nýjum sóttvarnaráðstöfunum sem tóku gildi á miðnætti.
„Þetta er töluvert mikil tilslökun og nemendur eru velkomnari en áður. Við fögnum því,“ segir Jón Atli en neyðarstjórn Háskóla Íslands fundaði í morgun vegna þessara rýmkana.
Jón Atli segir að stjórnendur skólans muni taka sér tíma fram yfir helgi til að skipuleggja hvernig skólastarfi verður háttað og mun hann senda út tilkynningu þess efnis á föstudag.
„Þó að reglugerðin hafi tekið gildi á miðnætti þurfum við tíma til að skipuleggja hvernig að þessu verður staðið.“
Rektor segir sveigjanleika fást með nýrri reglugerð en í mörgum tilvikum hafi kennarar verið búnir að skipuleggja fjarkennslu út önnina.
„Spurningin er hvernig verður brugðist við. Verður þetta alfarið í stofum eða hvernig verður það? Í flestum tilvikum verður hægt að bjóða upp á streymi og þess háttar en við erum bara að fara yfir það. Ég mun senda út okkar útfærslu á þessu,“ segir rektor.
„Þetta er töluvert mikil tilslökun og nemendur eru velkomnari en áður. Við fögnum því.“
Skrítin menning í bankanum
Allar rúður brotnar hjá Fiskikónginum
Aðhald, frestun og eignasala
Hjón sluppu með skrekkinn
Segir óábyrgt að skipta út öllu bankaráðinu
„Hvað ef það hefði verið lokuð heiði?“
Starfsfólk gæti fengið reikning frá Skattinum
/frimg/1/48/52/1485260.jpg)
Ölfusárbrú opnuð aftur eftir bílslys