Jón Gunnarsson, þingmaður Sjálfstæðisflokksins og fyrrverandi samgöngu- og sveitarstjórnarráðherra, gefur kost á sér í 2. sæti lista flokksins í Suðvesturkjördæmi fyrir komandi kosningar. Jón hefur setið á þingi frá árinu 2007 og var hann ráðherra í ríkisstjórn Sjálfstæðisflokks, Bjartrar framtíðar og Viðreisnar árið 2017.

„Síðast var haldið prófkjör fyrir kosningarnar 2016, og þá hafnaði ég í öðru sæti og ég sækist eftir sama stuðningi og ég hafði þá,“ segir Jón í samtali við Morgunblaðið.

Hann telur kjörtímabilið hafa verið farsælt, en að vissulega hafi ákveðin glíma falist í því þegar svo ólíkir flokkar taka sér sæti saman í ríkisstjórn. „Það hefur ríkt trúnaður milli formanna flokkanna, sem aftur hefur endurspeglast í trausti í samstarfinu,“ segir Jón.

Tengdar fréttir

Alþingiskosningar 2021

Engin sáttatilboð hafi verið lögð fram

• Sáttatilboðin óásættanleg
• Ríkið reynt að ná sáttum í kærumálum
• Aukið fylgi Framsóknarflokksins
• Mál Magnúsar sett í forgang hjá MDE

» Fleiri tengdar fréttir