Mjög ósennilegt að rýma þyrfti höfuðborgarsvæðið

Dagur B. Eggertsson borgarstjóri.
Dagur B. Eggertsson borgarstjóri. mbl.is/Eggert Jóhannesson

Dagur B. Eggertsson borgarstjóri segir algengustu sviðmyndirnar varðandi rýmingaráætlun ganga út á að færa fólk til innan höfuðborgarsvæðisins eða að rýma heilu hverfin.

Mjög ósennilegt er að rýma þyrfti höfuðborgarsvæðið í heild sinni ef það kæmi til eldgoss í nágrenni þess.

Komi til rýmingar verður fólk fyrst og fremst látið vita í gegnum fjölmiðla, samfélagsmiðla og SMS-skilaboð, sagði Dagur, sem er einnig formaður almannavarnanefndar höfuðborgarsvæðisins, í kvöldfréttum RÚV.

„Og oft er það sem skiptir mestu máli að koma róandi upplýsingum á framfæri. Því það er í gríðarlega mörgum tilvikum það versta sem getur gerst ef allir rjúka út í bílinn sinn og ætla að keyra eitthvað,“ sagði hann.

mbl.is