Ekkert kórónuveirusmit greindist innanlands í gær samkvæmt bráðabirgðatölum sem Hjördís Guðmundsdóttir, samskiptastjóri almannavarnadeildar ríkislögreglustjóra, lét mbl.is í té. Eitt smit greindist á landamærunum.
Eitt smit greindist innanlands og eitt á landamærunum í fyrradag.
Síðast greindist einhver utan sóttkvíar 1. febrúar en þá höfðu liðið 12 dagar frá því síðustu smit utan sóttkvíar voru greind hér á landi.