Vísindaráð almannavarna fundar klukkan 12 á hádegi um stöðu mála á Reykjanesskaga. Enginn órói hefur mælst á svæðinu frá því á miðvikudaginn, að sögn vísindamanna sem sátu fund ráðsins í gær.

Frétt af mbl.is

Virknin hefur færst aðeins í norðaustur

Þetta segir Einar Hjörleifsson, náttúrúvársérfræðingur hjá Veðurstofu Íslands. Vísindaráð almannavarna er óformlegur samráðsvettvangur almannavarnadeildar ríkislögreglustjóra og vísindasamfélagsins.

Það að enginn órói hafi mælst þýðir að hægt hefur á kvikuhreyfingum eins og staðan er núna. Áfram er samt mikil skjálftavirkni og atburðurinn er enn þá í gangi.

Frétt af mbl.is

Atburðarásin kemur stöðugt á óvart

Mesta virknin er enn við Fagradalsfjall og hefur færst í norðaustur. Tæplega 1.000 jarðskjálftar hafa mælst frá miðnætti, þar af hafa fjórir verið um þrír að stærð. Síðasti skjálftinn yfir 4 að stærð varð í gærkvöldi. Hann mældist 4,2 og átti upptök sín um tvo kílómetra norður af Grindavík. Fannst hann mjög vel í bænum, að sögn Einars.

Frétt af mbl.is

Stór skjálfti rétt norðan við Grindavík

Hugsanlegt er að starfsmenn Veðurstofu Íslands fari á Reykjanesskaga í dag til að kanna aðstæður. „Það er ómögulegt að spá til um framhaldið á þessum tímapunkti en við metum stöðuna eftir því sem ný gögn berast,“ segir Einar.

Tengdar fréttir

Eldvirkni á Reykjanesskaga

Almannavarnir auka viðbúnað

• Mikilvægt að vera á tánum
• Ný staða uppi og óvissan meiri
• Gerir ráð fyrir 150 samningum í næstu viku
• Hyggjast leyfa fólki að skoða gosið

» Fleiri tengdar fréttir

• Blogga um frétt