Björgunarsveitin Þorbjörn hefur ekki verið kölluð út vegna skjálftahrinunnar sem riðið hefur yfir Grindavík og Reykjanesskagann í gærkvöldi og nótt. Henni hafa þá heldur ekki borist upplýsingar um að sérstök hætta sé á ferðum.

Frá þessu segir björgunarsveitin á Facebook og hughreystir um leið íbúa Grindavíkur.

„Nú gengur yfir gríðarlega öflug skjálftahrina og ekki ólíklegt að hver einasti Grindvíkingur sé nú vakandi enda hreinlega nötrar jörðin stanslaust hérna þessa stundina,“ segir í facebookfærslu sveitarinnar.

Bendir hún íbúum á, að komi til þess að hættuástand skapist eða til rýmingar komi verði það tilkynnt með mjög afgerandi hætti.

„Fyrst með sms-skilaboðum í alla síma á svæðinu, síðan með mjög áberandi hljóðmerkjum og síðast einfaldlega með banki á dyrnar,“ segir í tilkynningunni.

Eðlilegt að vera órólegur

„Það er mjög eðlilegt að vera órólegur á meðan svona hrinur ganga yfir. Við viljum minna fólk á að ganga frá lausamunum og passa að taka dót niður úr hillum.

Eins og staðan er er fínt vorveður úti og frídagur hjá flestum á morgun þannig að fólk gæti hæglega farið í stutta gönguferð eða kveikt á góðri mynd til að dreifa huganum á meðan þetta gengur yfir.

Eins og áður erum við á tánum og lofum að láta ykkur vita um leið og einhver hætta er á ferðum.“

Jarðskjálftavirkni undir og í nágrenni Fagradalsfjalls jókst til muna í gærkvöldi og hún hefur haldið áfram í nótt. Stærsti skjálftinn í hrinunni til þessa mældist 5,0 stig.

Frétt af mbl.is

Mikil virkni og órói mældist í tuttugu mínútur

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• Blogga um frétt