Una vill leiða Vinstri græn í Kraganum
Setja bókamerki
Una Hildardóttir, forseti Landssambands ungmennafélaga og varaþingmaður Vinstri grænna, sækist eftir fyrsta til öðru sæti í komandi forvali Vinstri grænna í Suðvesturkjördæmi. Una greindi frá þessu á Facebook-síðu sinni í dag.
Una er sannarlega ekki sú eina sem sækist eftir forystusætinu en Guðmundur Ingi Guðbrandsson, umhverfis- og auðlindaráðherra, og Ólafur Þór Gunnarsson, þingmaður Vinstri grænna, hafa einnig lýst því yfir að þeir sækist eftir fyrsta sætinu.
„Síðastliðnar vikur hef ég átt ótal samtöl við bakland mitt, fjölskyldu og vini og það er gott að finna hve öflugt stuðningsnet mitt er. Ég hef eindregið verið hvött áfram til að sækjast eftir oddvitasæti listans,“ skrifar Una sem telur ríka þörf á þátttöku ungs fólks, sér í lagi ungra kvenna, í stjórnmálum.
„Síðastliðna mánuði hef ég sjálf skorað á kraftmiklar konur í kringum mig að taka þátt í forvölum, prófkjörum og uppstillingum, en færri en ég óska hafa brugðist við. Það er mikilvægt að við sem hvattar erum áfram, viljum og getum boðið fram krafta okkar, bregðumst við því trausti með því að sækast eftir áhrifastöðum.“
Skemmtiferðaskip hætt komið nærri Viðey
Skiptir miklu meira máli en fólk grunar
Tveir í bílnum sem lenti utan vegar
Árshátíð ríkislögreglustjóra haldin í Tékklandi
Æskuvinur Íslendings myrtur í Noregi
Vélsleðaslys: Þyrlan kölluð út á mesta forgangi