Hvorki er tekið við bólusetningar- né mótefnisvottorðum á landamærum Íslands ef komufarþegi kemur frá ríki utan Schengen-samstarfsins, en það er gert að tilmælum ráðherraráðs Evrópusambandsins.

Þetta hefur þær afleiðingar að hinum sístækkandi hópi bólusettra ferðamanna frá Bandaríkjunum, Bretlandi og Kína er meinaður aðgangur að landinu, en þessar þjóðir hafa myndað stærstu ferðamannahópa á Íslandi undanfarin ár.

„Þetta er auðvitað afar slæmt fyrir okkur,“ segir Jóhannes Þór Skúlason, framkvæmdastjóri Samtaka ferðaþjónustunnar, en bendir á að pólitískur vilji sé til reglubreytinga.

Hann telur þó ólíklegt að stjórnvöld á Íslandi breyti landamærafyrirkomulaginu einhliða. „Ég veit ekki hvenær þessu banni verður aflétt en það verður vonandi fyrir ágústmánuð,“ segir hann, í Morgunblaðinu í dag. „En eins og staðan er í dag er þetta eins og að giska á lottótölurnar.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir