Eldgos í Fagradalsfjalli

Talsvert hefur verið um að fólk hafi gert sér ferð og farið fótgangandi frá lokunarpóstum til að skoða eldgosið. Víðir Reynisson hefur talað um að ferðin geti verið 6-8 klst í göngu. Bent er á að hætta sé af gasmengun á svæðinu. Svæðið er opið þrátt fyrir lokanir á vegum.

Samkvæmt því sem mbl.is hefur heyrt frá fólki á svæðinu virðist nokkuð um að vanbúið fólk ætli sér að ganga að gossvæðinu. Vert er að hafa í huga að fyrir skömmu viltust starfsmenn Veðurstofunnar á svæðinu, sem er talsvert torfæra en margir gera sér grein fyrir.

„Sýn­in er stór­kost­leg. Svip­ar vissu­lega til upp­taka af fyrri eld­gos­um en þær stand­ast þó eng­an sam­an­b­urð þegar maður stend­ur frammi fyr­ir þess­um ógn­ar­kröft­um. “ Svona lýsir Skúli Halldórsson, blaðamaður á mbl.is upplifuninni af því að lenda við gosið nú í morgun. Hann fór þar ásamt ljósmyndara. Hægt er að lesa ferðasöguna hér og sjá stórbrotnar ljósmyndir sem Kristinn Magnússon tók.

Ríkislögreglustjóri hefur í samráði við lögreglustjórann á Suðurnesjum ákveðið að lækka almannavarnastig úr neyðarstigi niður í hættustig. Þetta var ákveðið eftir stöðufund í morgun þar sem farið var yfir gögn vísindamanna.

Fyrr í morgun höfðu vísindamenn farið í könnunarflug yfir gosstöðvarnar til að meta umfang eldgossins enn frekar. Þ að er mat vísindamanna að gosstöðvarnar séu litlar og lítil framrás hefur verið frá því í gær, talið er að gosið ógni ekki mannvirkjum eða byggð.

Almannavarnir hafa frestað fundi sínum sem upphaflega átti að vera klukkan 11. Verður fundurinn klukkan 14 í staðinn, en nýta á veðurglugga til að kanna gosið frekar.

Myndir úr flugi vísindamanna Veðurstofunnar og Jarðvísindastofnunar í morgun. Fyrstu myndir í björtu.

Flogið var vel yfir gosið í kvöld og aðstæður kannaðar. Skjáskot tekið héðan .