Reykjavík Excursions hefur á morgun að bjóða upp á rútuferðir frá BSÍ í Reykjavík að upphafi gönguleiðarinnar að eldgosinu í Geldingadal í Fagradalsfjalli.

Gönguleiðin tekur um það bil 1,5-2 klukkustundir hvora leið og hefur verið vel merkt til að auðvelda göngufólki að komast leiðar sinnar. Vandræðagangur hefur verið á bílastæðamálum við fjallsræturnar og rútan hugsuð sem ein lausnanna við þeim vanda, segir Björn Ragnarsson framkvæmdastjóri Kynnisferða í samtali við mbl.is.

„Við ræddum það strax um helgina að bjóða upp á þetta og ætluðum að gera það í dag en svo var lokað seinni partinn, þannig að við hættum við. Við tökum auðvitað mið af aðstæðum hverju sinni,“ segir hann.

Farið verður klukkan fjögur síðdegis á morgun og kostar 4.990 krónur í rútuna. Rútan leggur síðan af stað til baka klukkan ellefu um kvöldið, þannig að fólk nær að skoða gosið í ljósaskiptunum.

Hér má bóka miða um borð í Volcano Bus.

Eldgos á Reykjanesskaga laðar marga að. mbl.is/Kristinn Magnússon

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt