17 smit innanlands – 14 í sóttkví
Guðrún Hálfdánardóttir
Setja bókamerki
Alls greindust 17 smit innanlands í gær og af þeim voru 11 smit meðal barna í Laugarnesskóla. Fimm smit greindust á landamærunum, þar af voru þrjú í fyrri skimun en tvö í seinni skimun. Af þeim 17 sem greindust með Covid-19 í gær voru 14 í sóttkví eða 82,35%.
Nú eru 75 í einangrun og 454 eru í sóttkví. Alls eru 1.186 í skimunarsóttkví og einn er á sjúkrahúsi.
Alls voru 1.557 einstaklingar skimaðir innanlands í gær og 513 á landamærunum.
Nýgengi smita innanlands á hverja 100 þúsund íbúa er nú 7,6 síðustu tvær vikur og 12,5 á landamærunum.
Flest smitin eru í aldurshópnum 30-39 ára eða 26 og 22 í aldurshópnum 18-29 ára. Tólf smit er á meðal barna á aldrinum 6-12 ára og þrjú í aldurshópnum 13-17 ára. Tvö smit eru í aldurshópnum 40-49 ára. Sex smit eru í aldurshópnum 50-59 ára, eitt meðal fólks á sjötugsaldri og þrír á áttræðisaldri eru með Covid-19.
Alls eru 59 í einangrun á höfuðborgarsvæðinu, tveir á Suðurnesjum, þrír á Suðurlandi, einn á Norðurlandi eystra og 10 óstaðsettir í hús. Í sóttkví eru 397 búsettir á höfuðborgarsvæðinu, 12 á Suðurnesjum og 15 á Suðurlandi. Þrír eru í sóttkví á Austurlandi, fimm á Norðurlandi eystra og þrír á Norðurlandi vestra. Fjórir eru í sóttkví á Vesturlandi. 15 eru óstaðsettir í hús.
„Það þarf að vinna mikinn fjölda upp“
Æskuvinur Íslendings myrtur í Noregi
„Skýr skilaboð til Seðlabankans“
Kostnaður meiri en milljón á fermetra
„Okkur miðar í rétta átt“
Árshátíð ríkislögreglustjóra haldin í Tékklandi
Tveir í bílnum sem lenti utan vegar
„Hvílir mikil leynd yfir þessu öllu“